ދުނިޔޭގެ އެންމެ ބޮޑު މެރިން ރިޒާވަކީ ކޮބާ؟
5.2.13
| .
admin
|
ދުނިޔޭގެ އެންމެ ބޮޑު މެރިން ރިޒާވަކީ އޮސްޓްރޭލިއާގެ
ކުއިންސްލޭންޑް ކައިރީގައި 2،600 ކިލޯމީޓަރަށް ފެތުރިފައި އޮންނަ
ބޮޑުފަރެވެ. ގްރީޓް ބެރިއާރ ރީފްގެ ނަމުން ނަންދެވިފައިވާ ސަރަހައްދަކީ
ދޮންވެލި ތުނޑިތަކާއި900 ރަށް ހިމެނޭ މޫދާއި ކަނޑުގެ ދިރުންތަކުން އެންމެ
މުއްސަނދި ސަރަހައްދެވެ. އަދި މި ސަރަހައްދަކީ
ވޯރލްޑް ހެރިޓޭޖް ސައިޓްތަކުގެ ތެރޭގައި ހަމަޖެހިފައިވާ ސަރަހައްދެކެވެ.
ނިއު ސެވަންވޮންޑާރސްގެ ތެރޭގައިވެސް މި ސަރަހައްދު ވަނީ ހިމެނިފައެވެ. ދުނިޔޭގައިވާ އެންމެ ބޮޑު މެރިން ރިސާރވްގެ ގޮތުގައި
ފާހަގަކުރެވިފައިވާ ގްރީޓް ބެރިއާރ ރީފް އަކީ އެންމެ ގިނަ ވައްތަރުގެ ގަލާ
މުރަކަ ހިމެނޭ ސަރަހައްދެވެ. އަދި ހަމަ އެހެންމެ އެހެނިހެން
ދިރުންތައްވެސް އެންމެ
ގިނަކަމަށް ރެކޯޑްކުރެވިފައިވަނީ
މިސަރަހައްދުގައެވެ. މިގޮތުން 400 ވައްތަރުގެ ގަލާއި 1،500 ވައްތަރުގެ މަސް
އަދި މޮލަސްކްގެ ގޮތުގައި ފާހަގަކުރެވިފައިވާ 5000 ވައްތަރު ހިމެނެއެވެ.
އަދި ހާޑް ކޮރަލްގެ ގޮތުގައި 360 ވައްތަރު ފާހަގަކުރެވިފައިވެއެވެ. އަދި
ހަމަ އެހެންމެ 175 ވައްތަރުގެ ކަނޑުމަތީ ދޫނި ގްރީޓް ބެރިއާރ ގައި
އުޅެއެވެ.
މޫދުގެ ދިރުންތަކުން މުއްސަނދިވެފައިވާ ގްރީޓްބެރިއާރ އަކީ
ފަތުރުވެރިންގެ މެދުގައިވެސް ވަރަށް މަގުބޫލު މަންޒިލެކެވެ. އެހެންކަމުން
ގިނަ އަދަދަކަށް ފަތުރުވެރިން ޒިޔާރަކުރުމުގެ ސަބަބުން އަހަރަކު ބިލިއަން
ޑޮލަރުގެ ފައިދާއެއް އެއްސަރަހައްދުން ލިބެއެވެ.
ގްރީޓްބެރިއާރ ރީފްގައި ތިރީސް ވައްތަރުގެ ބޮޑުމަހާއި
ކޯމަހުގެ ބާވަތްތައް އުޅޭކަން ރެކޯޑްތަކުން ދަށްކާއިރު އޭގެތެރޭގައި
އާންމުކޮށް ފާހަގަކުރެވިފައިވަނީ އިންޑޯ ޕެސިފިކް ހަމްޕްބެކް ޑޮލްފިންއާއި
ހަމްޕްބެކް ވޭލްއެވެ. އަދި ފަރުގައި އުޅޭ 1500 ވައްތަރުގެ މަހުގެ ތެރޭގައި
ބޮޑަށް ފާހަގަކުރެވެނީ މާގަނޑު މަސް، ފާނައިގެ ވައްތަރުތައް، ފިލޮޅު،
އުނިޔަ، އަދި ހަނދި، ހިމެނެއެވެ. ރާއްޖެ ފަދަ ގައުމުތަކުން އާންމުކޮށް
ނުފެންނަ ބާވަތެއްކަމަށްވާ މޫދު ހަރުފައިގެ 17 ވައްތަރުއުޅެއެވެ.
ދުނިޔޭގައިވާ އެންމެ ބޮޑު މެރިން ރިސާރވްގެ ގޮތުގައި
ފާހަގަކުރެވޭ ގްރީޓްބެރިއާރގައި 6 ވައްތަރުގެ ކަހަނބު އުޅެއެވެ.
އޭގެތެރޭގައި ހިމެނެނީ ގްރީން ސީޓާރޓްލް، ލެދަރބެކް ސީޓާރޓުލް،
ހަވްކްސްބިލް ޓާރޓްލް، ލޮގާރހެޑް ސީ ޓާރޓްލް، ފްލެޓްބެކް ޓާރޓްލް، އޮލިވަރ
ރިޑްލީ، އެވެ. ގްރީޓްބެރިއާރގައި ވެލާކަހަނބު ގިނަކަން ބޮޑަށް
ފާހަގަކުރެވެނީ މޫދުވިނަ ގިނަ ސަރަހައްދުތަކުގައެވެ. ގްރީޓްބެރިއާގައި ގިނަ
ސަރަހައްދުތަކުގައި 500 ވައްތަރުގެ މޫދުވިނަ ހެދިފައިވެއެވެ.
ގްރީޓްބެރިއާރ ރީފްއަކީ ދުނިޔޭގައި އެންމެ ގިނަ ވައްތަރުގެ
ދިރުންތައް ފެންނަ ސަރަހައްދަށްވާއިރު ވަކިން އެސަރަހައްދުން ނުފެންނަ
ދިރޭއެއްޗެއް ދުނިޔޭގެ ކަނޑު ފަރުތަކުގައި މަދުވާނެއެވެ. މިގޮތުން މޫދުގައި
އުޅޭ ވައްތަރުގެ ކިނބޫ(ސޯލްޓްވޯޓަރ ކޮރުކޮޑައިލް) ވެސް މޫދާއި ގުޅިފައިވާ
މެންގރޫވް ހުންނަ ސަރަހައްދުތަކުގައި އުޅެއެވެ. އަދި އެސަރަހައްދުގައި 125
ވައްތަރުގެ މިޔަރާއި މަޑި އުޅެއެވެ. ފަރުގައި އުޅޭ 5000 ވައްތަރުގެ
މޮލަސްކްގެ ތެރޭގައި އާންމުކޮށް ފާހަގަކުރެވެނީ ބައެއް ވައްތަރުގެ ބޮލި
އަދި ގާހަކަ ، އަދި ބޮލީގެ ތެރޭގައި ހިމެނޭ ވިހަގަދަ ވައްތަރެއްކަމަށްވާ
ކޯން ޝެލްއެވެ. ފަރެކޭ އެއްގޮތަށް ފަރުހިމެނޭ ސަރަހައްދުގެ ރަށްތަކަކީވެސް
ދިރޭތަކެތި ގިނަ ރަށްތަކެވެ.. 215 ވައްތަރުގެ ކަނޑުމަތީ ދޫނި ފަރުގެ
ސަރުހައްދުގައި ހިމެނޭ ރައްތަކުގައި ވިހާ ހަދާކަންވަނީ ފާހަގަކުރެވިފައެވެ.
ދުނިޔޭގައިވާ އެންމެބޮޑު މެރިން ރިސާވްގެ ގޮތުގައި
ފާހަގަކުރެވިފައިވާ ގްރީޓްބެރިއާރ އަށް ވެސް އަންނަނީ ތިމާވެށީގެ ތަފާތު
މައްސަލަތައް ކުރިމަތިވަމުންނެވެ. ފަރުގެ ބައެއް ހިސާބުތައް މަރުވެ ބައެއް
ދިރުންތައް ނެތި ހިނގައިދާނެކަމުގެ ބިރުވަނީ ހީވެފައެވެ. މިގޮތުން
ގްރީޓްބެރިއާރއަށް އޮތް އެންމެ ބޮޑު ބިރަކީ މޫސުމައް އަންނަ ބަދަލުތަކުން
ފަރަށް ލިބިދާނެ ގެއްލުންތަކެވެ. އޭގެތެރޭގައި ދުނިޔެ ހޫނުވަމުން ދިއުމުގެ
ސަބަބުން ފެންގަނޑުގައި އުފެދޭ ފާޑުފާޑުގެ ބެކްޓީރިއާ ގެ އަސަރު
މަސްމަހާމެއްސައްކުރުމާއި އަދި ފަރުތަކަށް ދިމާވާމާ މުރަކަ ހުދުވުމުގެ
މައްސަލަޔާއި އަދި ހޫނުގަދަވުމުން ބައެއް ވައްތަރުގެ މަސްމަހާމެހި
ނެތިދާނެ ކަމުގެ ބިރެވެ. އަދި ހަމަ އެހެންމެ ކަނޑުގައި ކުނިބުނީގެ ސަބަބުން
އުފެދޭ ނުސާފުކަމަކީވެސް ފަރުގައި އުޅޭ ބައެއް ވައްތަރުގެ
މަސްމަހާމެއްސާއި އިތުރު ދިރުންތައް މަދުވެގެންދާނެ ސަބަބެކެވެ. އަދި
މިހާރުވެސް ގްރީޓް ބެރިއާރއަށް ދިމާވެފައިވާ ކަށިބޯގިނަވުމުގެ
މައްސަލައަކީވެސް ފަރުގެ ދިރުންތައް ނެތިދިއުމަށް މެދުވެރިވާ ސަބަބެކެވެ.
މީގެ އެންމެ ބިރުބޮޑުކަމަކީ ކަށިބޯ ގާ ނުވަތަ މުރަކަތަކުގެ މަތީފަށަލަ
ކެއުމުގެ ސަބަބުން ގާ ހަލާކުވެގެން ދެއެވެ. އަދި ނަތީޖާއަކީ އެގަލަކީ
ދިރުންނެތް ގާތަކަކަށްވެ ފަރުގެ ގިނަ ހިސާބުތަކެއް މަރުވުމެވެ.
ނޯޓް: މިލިޔުމުގައި އެ ފަރަށް ކުރިމަތިވެފައިވާ ތިމާވެށީގެ
މައްސަލަތަކުގެ ގޮތުގައި ލިޔެވިފައިނީ ތިމާވެށީގެ ދާއިރާގައި
ހަރަކާތްތެރިވާ ކްއިންސްލެންޑްގެ ޒުވާނެއްގެ ފަރާތުން ކުރިން ލިބިފައިވާ
މައުލޫމާތެވެ.
- ވަރި ކޮންޓްރޯލުކުރުމަށް ޢާއިލާއާއި ބެހޭ ޤާނޫނާއި ޤަވާޢިދުގައި ހުރި ކަންތައްތައް
- ދަރިން ތަރުބިއްޔަތު ކުރުމުގައި އިސްލާމީ ޝަޙްސެއް ބިނާކުރުން( 4ވަނަ ބައި)
- ދަރިން ތަރުބިއްޔަތު ކުރުމުގައި އިސްލާމީ ޝަޙްސެއް ބިނާކުރުމުގައި މައިންބަފައިންގެ ދައުރު( 3ވަނަ ބައި)
- ދަރިން ތަރުބިއްޔަތު ކުރުމުގައި އިސްލާމީ ޝަޙްސެއް ބިނާކުރުމުގައި މައިންބަފައިންގެ ދައުރު( 2 ވަނަ ބައި)
- ދަރިން ތަރުބިއްޔަތު ކުރުމުގައި އިސްލާމީ ޝަޙްސެއް ބިނާކުރުމުގައި މައިންބަފައިންގެ ދައުރު( 1ވަނަ ބައި
ޞިއްހަތު
މުހިންމު ސައިޓްތައް
-
ރާއްޖެއިން ދިޔަ ލަންކާގެ ތިން މީހަކު ކޮވިޑަށް ޕޮޒިޓިވް ވެއްޖެ - ރާއްޖެއިން ސްރީ ލަންކާއަށް ދިޔަ އެ ގައުމުގެ ތިން މީހަކު ކޮވިޑް-19 އަށް ޕޮޒިޓިވް ވެފައިވާ ކަމަށް ލަންކާ ސަރުކާރުން ބުނެފި އެވެ. ކޮވިޑް-19 އާ ގުޅިގެން، ރާއްޖ...3 years ago
-
-
-
-
މަގްބޫލް ލިޔުންތައް
-
Add caption މާޒީވި ތާރީޙުގެ ފަތްފުތްތަކުންނާއި ލޮލުންދެކެފައިވާ މީހުންގެ ފަރާތުން އެނގިހާމަވާން އޮތް ބޮޑު ޙަޤީގަތަކީ ދެވަނަ ޖުމްހޫރ...
-
ހިކިފަސްގަނޑަށްވުރެ ކަނޑުގެ ސަރަހައްދު ބޮޑު ގައުމެއްގެ ގޮތުގައި ފާހަގަކުރެވޭ އެއް ގައުމަކީ ދިވެހިރާއްޖެއެވެ. ދުނިޔޭގެ ގިނަ ގައުމ...
-
ނިޔާ/ޅޮހި ގެވެށި އަނިޔާއޭ ބުނުމުން ދޭހަވަނީ ގޭތެރެއިން އަދި ދި...
-
ނިޔާ/ޅޮހި ކޮންމެ އިންސާނަކުވެސް ދުނިޔެއައް އުފަންވަނީ ފިތުރަތުގެ ސާފްކަންމަތީގައެވެ. ކުއްފާފަތަކުން ސަލާމަތްވެގެންވާ ހާލުގައެވެ.އިނ...
-
ކުއްޖަކު ލިބުމަކީ ކޮންމެ އަންހެނަކަށް ލިބޭނެ އެންމެބޮޑުއުފަލާއި ހިތްހަމަޖެހުމެވެ. ބަލިވެ އިނުމާއި ވިހެއުމަކީ އަންހެނުންގެ ހަށިގަނޑުގައި މާ...
-
Niys/lhohi އިންޑިއާކަނޑުގައި ރަންހާރެއްފަދައިން ސިފަކުރެވޭ މި ދިވެހިރާއްޖެއަކީ ހިތްފަސޭހަ އަމާން...
-
އިންޑިޔާކަނޑުގައި ކުދި ޖަޒީރާރަށްްތަކެއްގެ މައްޗަށް އުފެދިފައިވާ ދިވެހިރާއްޖެ ދުނިޔޭގެ ގިނަފަރާތްތަކުން ސިފަކުރަނީ އަމާންކަމާއި ސުލްހަވެރ...
-
ނިޔާ/ޅޮހި ﷲ ކޮންމެ އިންސާނަކުވެސް އުފެއްދެވީ އެންމެ ރިވެތި...
-
ނިޔާ/ޅޮހި ދިވެހިރާއްޖޭގެ އެންމެހާ ކަންކޮޅުތަކެއްގައި ދަނީ މަސްތުވާތަކެތީގެ ވަބާއާއި ވައްކަމާއި ފޭރުނ...
ފޭސް ބުކްގައި ރެޖިސްޓާރ ވުމަށް
- admin
- ނ.ޅޮހި, އުތުރުޕްރޮވިންސް, Maldives
- މި ބުލޮގަކީ ބުލޮގް ޓެމްޕްލެޓް ހަދަން ދަސްކުރުމަށްޓަކައި ހަދާ ޓެމްޕްލެޓްތައް އަޕްލޯޑްކުރުމާއި އަޅުގަނޑު ހެޔޮބަސްގައި ޖަހާ ލިޔުންތައް އަޕްކުރަން ހަދާފައިވާ ބުލޮގެކެވެ. ވެބް ސައިޓް: www.heyobas.com
ލިޔުންތައް ތާރީޙާއި އެކު
-
►
2016
(2)
- ► 01/10 - 01/17 (2)
-
►
2014
(1)
- ► 05/18 - 05/25 (1)
-
►
2012
(13)
- ► 10/21 - 10/28 (6)
- ► 05/06 - 05/13 (4)
- ► 04/29 - 05/06 (2)
- ► 03/25 - 04/01 (1)
-
►
2011
(13)
- ► 07/03 - 07/10 (1)
- ► 06/12 - 06/19 (1)
- ► 05/22 - 05/29 (3)
- ► 05/15 - 05/22 (8)
-
►
2010
(1)
- ► 11/21 - 11/28 (1)